Көхсүттэн көнтөстөөх,
Күн өркөн дьонноро!
Арҕаһыттан айдарыылаах,
Айыы хаан аймаҕа!
Сахалыы саҥалаах,
Урааҥхай омуктар!
Уйгу быйаҥ ыһыаҕынан,
Уруй Айхал буоллун!
Аар баҕах сэргэбит,
баҕар анньыллыбатын,
Күөх хатыҥ чэчирбит,
сэлэлии кэккэлээбэтин
Ол да буоллар
Үрүҥ тунах ыһыахпытын,
Ситим нөҥүө түмсэммит,
Санаабытын холбооммут
Үгэстэри тутуһан,
Күммүт диэки хайыһан,
Айыылартан алгыстанан,
Арчыланан сырлыаҕыҥ!
Алаадьылаан сырылатан,
Көөнньөр кымыс
утаҕынан,
Эмис эти, собону
Үтэһэҕэ үөлэммит,
Аймах,оҕо дьоннордуун
Күндүрэһэн астыныах!
Үрүҥ тунах ыһыаҕынан күндү доҕоттоор!
Уруй, Туску!
Айхал, Мичил буолуохтун!
