( " Во имя Отца и Сына, и святого Духа...") 

Аҕалар Күннэринэн эҕэрдэ! 

Биһиги Аҕабыт - Сөдүөт уола Сэмэн Тумууһап сүрдээх сэмэй, ол гынан баран хоһуун үлэһит киһи этэ. Сыарҕанан от тиэйэ бардаҕына "охтон түһэ- түһэ дьүккүөрдээхтик, кыһамньылаахтык үлэлиир" диэн кэпсээччилэр.
Күһүн муус ылыытыгар, саас мас бэлэмнээһиҥҥэ биһигини, түөрт уолаттарын, таһырдьа таһааран саллааттар курдук устуруойдатан баран сыал- сорук туруорар этэ. Оннооҕор тоҥ балбаахтары оҕуруокка туруортууругар сэрииһиттэр курдук хороччу туруортарар буолара...
Кустаан кэллэҕинэ хас биирдии оҕоҕо анал кустаах кэлэрэ.
Киэһэ аайы күнү супту сиигирбит атахпыт таҥаһын оһоххо куурдарбытын, бэрээдэктээхтик уурарбытын , сарсыарда ыраастанарбытын ирдиир буолара.
Кыһыҥҥы тымныы киэһэ хас биирдиибит суорҕанын кирпииччэ оһоххо сыһыаран сылытан баран аҕалыы кыһамньылаахтык суулаан, сыллаан утутара...
Ити аҕыйах холобурдартан көстөр Ыалга Аҕа оҕону сатабыллаах, тэрээһиннээх, үлэһит буоларга, кыһамньылаах буоларга иитэр оруола.
Аҕа аптарытыатын өрө тутааччы, такайааччы сүрүн киһинэн,  дьиэ иһигэр төһө да хотун буолбутун иһин, Күн Күбэй Ийэбит этэ. Кини өрүү :" Аҕаҕытын ытыктааҥ, аатын - суолун өрүү өрө тутуҥ!"- диэччи.
Онон Аҕалар, өрөйөн- чөрөйөн биэриҥ!
Бука бары өйдөөҥ:
- Дьиэ кэргэн  - Ийэтинэн,
- Ыал  - Аҕатынан!
( Ыал - таҥараттан бэриллибит суос соҕотох тэрилтэ. Ыал олбуорун иһинээҕи турук- Дьиэ Кэргэн).
Аҕалар күннэринэн өссө төгүл эҕэрдэ!
