.
.
Үтүө дьоннордоох, кэрэ айылҕалаах, туспа сиэрдээх-туомнаах, итэҕэллээх. Ол биир дьикти көстүүтүнэн Туос Моҕол Ураһа буолар. Былыргы сахалар Итэҕэл Хараана оҥостубут ытык дьиэлэрэ. Саха Сиригэр барытыгар кэриэтэ урут турбут сирдэрин кэрийэн үөрэппит Мандар Уус баар.

Бу 21-с үйэҕэ үктэнэн баран биһиги, сахалар, кэм-кэрдии кытаанах ирдэбиллэригэр эппиэттээн, өбүгэлэрбит илдьиттэрин, үөрэхтэрин сөргүтэр үлэни ыытабыт. Оччоҕо биһиги эйгэбит кэҥиэ, ис күүспүт туругуруо, толкуйбут тобуллуо, суолбут-ииспит арыллыа, сайдыыбыт сатарыа.

Ол сиэринэн Мандар Уус толкуйунан, мин дьулуурбунан, бырааттыы Яроевтар сатабылларынан 21-с үйэ саҕаланыытыгар (2005 сыллаахха) кэнники кэмҥэ бастакы Туос Моҕол Ураһаны туруорбуппут. Бу хамсаныы күүспэр күүс, санаабар санаа эппитэ, ис күүспүн бөҕөргөппүтэ. Кыттыспыт, көмөлөспүт дьоҥҥо барыларыгар барҕа махтал! Бу Хараан ис тутула, кэпсиир кэпсээнэ биир: саха омук үйэлэр тухары бараммат айаннаах!
