киһитин  айыллыбыт ис эйгэтигэр, ис туругар илдьэ сылдьыаҕа

Бары билэрбит курдук, билиҥҥи олорор олохпутугар нанотехнология, компьютер, информационнай техническай сайдыы кэмигэр олоробут.

Быһатын эттэххэ, киһи уонна компьютер ситимигэр киирдибит.

Маннык информационнай техническэй сайдыыбыт тыҥааһыннаах кэмнэригэр саха  киһитэ бэйэтин айыллыбыт ис эйгэтин, ис туругун илдьэ сылдьыахтааҕар тугу оҥоруохха сөбүй?

Бэйэтин этигэр-хааныгар илдьэ сылдьар өбүгэтин күүһүн, итэҕэлин, билиитин сүтэрбэккэ эрэ хайдах сылдьыан сөбүй?

Мин саныахпар, ис турукпут бөҕөргүүрүгэр тас эйгэттэн өбүгэбит оһуорун-мандарын, ойуутун-бичигин, ол аата бэлиэлэрин куруутун туттуохтаах эбиппит. Бу санаабын Дабыл этиилэринэн бигэргэтэбин. Кини этэринэн, саха киһитэ үс кэрдиис  кэминэн сайдар диир.

Бастатан туран, аһыыр аһын булунан, киһи-хара буолааһын. Иккиһинэн,  киһи  киһитэ буолуохтаах. Үсүһүнэн, Үөһээ Айыылардыын алтыһан, Айыы киһитэ буолуохтаах диэн этэр. Ол да иһин, саха киһитэ дьиҥ бэйэтин булунарыгар Айыы киһитигэр наадыйар, сүбэ-саргы, тирэх көрдүүр. Мындыр өбүгэлэрбит "Айыы киһитэ аһыныгас, күн киһитэ көмүскэс" диэн этэллэрэ.

Өбүгэ тыына саха дьоно туттар бэлиэлэригэр баар. Хас биирдии саха киһитэ бас билэр сирдээх, күрүөтүн иһигэр олорор дьиэлээх, ураһалаах, булуустаах буолуохтаах. Булууһугар мууһу хаһаанан мэлдьи ыраас ууну иһиэхтээх, доруобуйатын көрүнүөхтээх. Олохсуйбут сиригэр-уотугар сахалыы бэлиэлэри  туттар буоллаҕына өбүгэ тыына олохсуйан, киһилии эйгэтэ күүһүрэр.

Саха оһуорун- мандарын сүдү күүһэ өбүгэ тыыныгар, кыаҕыгар сытар.
