КУРУУК ОННУК БУОТАХ ЭТЭ...
Улуу убайбыт Былатыан Ойуунускай төрөөбүт күнүн бука бары үөрэ- көтө, аһаҕастык бэлиэтиибит. Ол эрэн куруук оннук буотах этэ. 
1983 сыллаахха биһиги ыал Нерюнгрига олорор этибит. Ол кэмҥэ Ойуунускай 90 сааһын туолбута. Биһиги, онно олорор сахалар, бу бэлиэ күнү кулуубка бэлиэтиирдии санаммыппыт. Ону баара партия горкома бобон кэбиспитэ. Ол иһин биһиги дьиэбитигэр доҕотторбутун мунньан бэлиэтээн турардаахпыт. Сахалыы алаадьылаан, эт буһаран оннооҕор кымыска майгынныыр быппах оҥостон үөрэн-көтөн улуу убайбытыгар сүгүрүйбүппүт, ырааҕы- киэҥи кэпсэппиппит. Афанасий Петрович, Венера Егоровна Илларионовтар ыал биһиэхэ сабыс саҥа тахсыбыт кыра кинигэни анаан- минээн бэлэхтээбиттэрин биһиги ыал биир саамай ытык малын быһыытынан ууруна сылдьабыт.
