Платон Ойуунускай:

Үс саха төрүөҕэр,
Үөрүүлээх күнүгэр
Мин аатым ааттаныа,
Мин ырыам ылланыа!

1983 сыл. Биһиги ыал Нерюнгри куоракка олоробут. Куоракка Платон Ойуунускай 90 сааһын бэлиэтиир биир даҕаны официальнай мероприятие буолбатаҕа. Биһиги ыытаары кулуупка хос көрдөөбүппүтүн биэрбэтэхтэрэ. Онон биһиги ыалга мустан кистээн кэриэтэ улуу убайбыт өрөгөйдөөх сааһын бэлиэтээн турабыт. Сахалыы ас астанан, убайбыт хоһооннорун ааҕан, саха туһунан санаа атастаһан бэрт үтүө дьоро киэһэни атаарбыппыт. Афанасий Петрович Илларионов, Георгий Устинович Гермогенов, Владимир Иванович Михайлов, Борис Егорович Корнилов , Александр Семенов онтон да атыттар бааллара.

1983 год. Мы жили в Нерюнгри. И на нашей квартире отмечали 90- летие Платона Ойунского. Хотя никаких официальных мероприятий по городу не было проведено. Не знаю почему. К тому времени он же был давно реабилитирован.
