🇷🇺🇷🇺🇷🇺
*Көҥүлү Барыыска‼*
(Норуот модьуйуута)

Ахсынньы аан даамын
Тымныытын туһанан,
Саргылаах Саҥа Дьыл
Буоларын саҕана --
Билиҥҥи сэриитэ суох
Эйэлээх олоххо,
Ханна да буолбатах
Соһумар түбэлтэ
Буолла дии Ньурбаҕа!
Куораппыт килбэйэр
Килбиэннээх киинигэр,
Дьаһалта дьиэтигэр:
Салайар талааннаах,
Өркөннүүр киэҥ өйдөөх,
Сырдыктыыр санаалаах,
Сайаҕас майгылаах,
Төрөөбүт улууһун
Сайдарын туһугар
Сыратын-сылбатын
Барытын анаабыт,
Норуоттан тахсыбыт
Баһылык киһиэхэ
Үлэлиир хоһугар
Күрүлүүр уот күнүс
Сэрэтии биэрбэккэ,
"Буурҕаны"түһэрэн
Бурҕайан киирдилэр,
Сирэйи кистиирдээх
Сабыылаах мааскалаах
Уордайбыт санаалаах
Уорааннаах урдустар.
Үлэлиир остуолун
Чүүччэйэн бардылар,
Ыскааптар ааннара
Тэлэллэ түстүлэр!
Сахалыы сиэрэ суох
Быһыыны таһааран
Баһылык бастыҥын
"Барсаҕын!" -- диэтилэр.
Онно суох буруйу
Сабыта сыбааннар
"Хара мэҥ"түһэрэн
Буруйдаан бардылар!
Тымныынан хаарыйар
Халырдыыр хандалы
Хап гына хатанна,
Көхсүтүн хараҕын
Аптамаат уоһунан
Дьөлүтэ кэйиэлээн,
Дьэбэрдик туттаннар:
Үтүөлээн-илгиэлээн
Түҥнэри анньаннар,
Хара сор массыына
Хайыытын иһигэр 
Олордо охсоннор,
Суһаллык тиэтэйэн
Туттаннар-хабаннар,
Норуоттан кистээннэр
Куотардыы тэринэн
Түргэнник тэскилээн
Дьокуускай куоракка
Типтэрэ турдулар...
Дьон-сэргэ уолуйан,
Соһуйан-өмүрэн
Көмүскүүр тыллары
Эппэккэ хааллылар!
Дьэ, туохтан бу маннык
Хабыр да туттуулаах
Сахаҕа сиэрэ суох
Быһыылар буоллулар?!
Кырдьыгы эппэттэр
Барытын кистииллэр,
Норуоту албыннаан
Балыйа сатыыллар,
Буолбатах быһыыны
Сааппакка сыбыыллар.
Ньурбаттан тэйитэн
Дьонуттан арааран,
Сибээһин сиэрэ суох
Быһыта бысталаан,
Үтүөкэн киһибит
Көҥүлүн күөмчүлээн
Эрэйин эптилэр,
Киэбирэн кэнэйдээн
Сэниэтин эстилэр,
Ыт баһа күлүүһү
Күлтэччи ыйааннар
Түүнүктээх түрмэҕэ
Хаппахтыы хатааннар
Уолбутун хаайдылар!
Кэлиини-барыыны,
Көрсүһүү түгэнин
Харабыл туруоран
Ыксары боптулар.
Бу курдук кэп-дьэбэр
Аньыыны-хараны
Бу Айыы Таҥара
Ол үрдүк үөһэттэн
Көрөрө буолуо дуо,
Истэрэ буолуо дуу?!..
Сэттээх-сэлээннээх
Түктэри быһыыны,
Холустук хамсаныы
Хабараан дьайыытын --
Аньыыны оҥорбут
Дьайыылаах дьыалатын Суобаһын иннигэр
Эппиэтиэ буолуо дуо!?
🌊🌊🌊🌊🌊🌊🌊🌊🌊 Ньурбабыт киинигэр
(Үрүҥ дьиэ таһыгар
Биэрэккэ буолбатах)
Сыыр анна көҥүллээх
Улуукан эбэбит
Бүлүүбүт
